Lajme Shqip

Sinoptikanet: Temperaturat do ulen 6 grade nen zero

Fri, 13 Feb 2009 14:48:00 +0000

Sipas parashikimeve te motit te Institutit Hidrometeorologjik, “Meteoalb”, temperaturat do te vazhdojne te ulen. Ne vendet malore, termometri do te regjistroje temperatura deri ne minus 6 grade Celsius. Temperaturat e uleta jane shoqeruar me reshje shiu dhe debore ne zonat malore.

Per ditet ne vijim, perfshire edhe fundjaven, sinoptiokanet kane parashikuar se moti do te vijoje te jete me alternime, kthjellime, si dhe vranesira, te shoqeruara nga reshje debore ne zonat malore dhe reshje shiu ne ultesiren perendimore. Reshjet e debores do te shfaqen shume prane zones se ulet dhe bregdetit.

Renia e temperaturave nga dita ne dite do te jete me 2–3 grade, ku renia maksimale do te ndjehet ne fundjave. Keto temperature do te na shoqerojne deri te merkuren e javes tjeter, kur do te ndaloje dhe ndikimi i qarkullimit polar ne territor. Temperaturat kryesore qe do te regjistrohen ne fundjave jane -6 dhe 2 grade Celsius, ne zonat malore -2 dhe 7 grade Celsius, ne zonen e ulet, -1 dhe 9 grade Celsius, ne bregdet.

Top Channel

Hamasi planifikon 18 muaj arm?pushim me Izraelin

Fri, 13 Feb 2009 14:47:00 +0000

Hamasi radikal islamik, sipas të dhënave të veta, dëshiron të shpallë një armëpushim 18 muajsh me Izraelin. Në një deklaratë të zedhënësit të Hamasit, Taher al Nuno thuhet se një marrëveshje e qartë për armëpushimin pritet të bëhet brënda tre ditësh. Agjensia egjiptiane e lajmeve, MENA njoftoi se bisedimet ndërmjetësuese në Kajro kanë qenë pozitive. Qeveria në Jeruzalem deri tani nuk ka dhënë asnjë reagim. Gazeta izraelite "Jediot Achronot" publikoi kushtet e propozimit të ndërmjetësuesve egjiptianë për armëpushimin. Aty thuhet, ndër të tjera, se Hamasi nuk duhet të sulmojë as me raketa dhe as me granata Izraelin. Ndërkohë, palestinezët militantë kanë sulmuar përsëri nga Rripi i Gazës me dy raketa mbi zonën izraelite.

Deutsche Welle

Rrezohet nje tjeter avion ne SHBA. 49 te vdekur

Fri, 13 Feb 2009 14:45:00 +0000

Një zëdhënës i policisë tha se nuk kishte të mbijetuar në mes 48 personave në bord.

Një person thuhet se ka qenë në shtëpi dhe besohet se edhe ai ka vdekur.

Rrëzimi shkaktoi një zjarr mjaft të madh.

Deri më tani nuk ka patur shpjegime se çfarë e shkaktoi rrëzimin e avionit që ra pesë minuta para se të ulej. Banorët vendas thane se dëgjuan një angullimë të lartë para se avioni të godiste tokën. David Luce, që jeton shumë pranë vendit ku ra avioni tha se degjoi avionin disa çaste para rrëzimit.

"Tingëlloi shumë lart dhe më pas zhurma pushoi," i tha ai një gazete në Buffalo. "Pastaj një apo dy sekonda më vonë pati një shpërthim të jashtëzakonshëm. Mendova se diçka goditi shtëpinë time."

Avioni që operohej nga Colgan Air, me bazë në Virxhinia ishte nisur nga Newark për në Buffalo.

BBC

Evropa goditet nga r?nia ekonomike

Fri, 13 Feb 2009 14:44:00 +0000

Ekonomia e eurozonës shënoi rënie me 1.5 përqind në tremujorin e mëparëshëm dhe me 1.2 përqind gjatë gjithë vitit, sipas Eurostatit. Statistikat e fundit nga Gjermania demonstrojnë se ekonomia më e madhe e Evropës ka shënuar rënie me 2.1 përqind gjatë tri muajve të fundit të 2008-ës. Të dhënat fillestare tregojnë se ekonomi e Francës shënoi rënie me 1.2 përqind, ndërsa në Itali rënia është 1.8 përqind, më e madhja që nga viti 1980. Statistikat shtojnë presionin mbi Bankën Qendrore Evropiane që të ulë normat e interesit. Gjatë gjithë 2008-ës, ekonomia në të 15 vendet që përdorin euron u rrit me 0.7 përqind krahasuar me një vit më parë sipas Eurostatit. Sllovakia iu abshkua eurozonës në 1 janar 2009. Kompanitë kanë zvogëluar investimet dhe eksportet kanë rënë.

Recesioni gjerman

Rënia është më dramatike në Gjermani, më e madhja që nga ribashkimi në vitin 1990.

Qeveria gjermane thotë se shkak për këtë është rënia e kërkesës për eksporte në situatën e rëndë ekonomike globale. Gjatë tre muajve të fundit të vitit të shkuar ekonomia më e madhe e Evropës shënoi rënie me 2.1 përqind. Gjermania mbështetet shumë tek eksportet, por për shkak të recesionit, tani ka më pak klientë për makinat gjermane, kimikate dhe pajisje teknike. Me rënien e kërkesës është ulur prodhimi e bashkë me të dhe investimet.

Kjo do të thotë se Gjermania përballet me mundësinë e recesionit më të vështirë të 60 vjetëve të fundit. Qeveria ka hartuar një paketë të dytë stimuli për ekonominë në vlerë rreth 64 miliardë dollarë.

BBC

Ngrohja me mangall asfikson nj? familje n? Vlor?

Fri, 13 Feb 2009 14:42:00 +0000

Vlore - Në përpjekje për tu ngrohur nga të ftohti, një familje me 9 persona ka përfunduar në spital. Ngjarja ka ndodhur natën e shkuar në Vlorë, kur të gjithë anëtarët e një familje kanë përfunduar në urgjencë të asfiksuar nga monoksidi i karbonit. Familjarët u kanë treguar mjekëve se kishin ndezur zjarr në një mangall, të cilin e kanë lënë të ndezur gjatë gjithë natës. Për pasojë, monoksidi i çliruar ka mbushur shtëpinë, duke asfiksuar 9 persona, fatmirësisht duke mos iu shkaktuar vdekjen.

Një nga gratë e familjes Dapa ka pasur dhimbje të forta koke dhe është zgjuar nga gjumi. Ajo ka gjetur familjarët e tjerë të asfiksuar dhe ka lajmëruar fqinjët të cilët i kanë transportuar në spital. Pas ndihmës së parë dhe një nate në spital ata sot paradite janë kthyer në shtëpinë e tyre.

Balkanweb

Inteligjenca amerikane: Ballkani, k?rc?nimi m? i madh p?r Europ?n

Fri, 13 Feb 2009 14:42:00 +0000

Ballkani mbetet një ndër kërcënimet kryesore për stabilitetin e Evropës gjatë vitit 2009. Kështu thuhet në raportin e e Inteligjencës Kombëtare Amerikane, i cila u paraqit para Kongresit Amerikan nga vetë drejtori Dennis Blair.

Ngjarjet në Ballkan sërish paraqesin kërcënimin më të madh për stabilitetin e Evropës gjatë vitit 2009, pavarësisht zhvillimeve pozitive të vitit të fundit, siç ishin shpallja paqësore e pavarësisë së Kosovës nga Serbia, zgjedhja e udhëheqësve pro BE-së në Beograd dhe marrja e ftesës për anëtarësim në NATO nga Shqipëria dhe Kroacia- thuhet në raportin e inteligjencës amerikane e cila citohet nga radio Europa e Lirë.

Drejtori Dennis Blair mendon se sfidat kryesore për stabilitetin do të vijnë nga statusi i pazgjidhur politik i pakicës serbe në Kosovë, veçanërisht në veri të vendit, si dhe nga raportet jo të lehta në mesin e komuniteteve në Bosnjë-Hercegovinë.
Raporti që Dennis Blair paraqet para kongresmenëve amerikanë ka të bëjë me kërcënimet kryesore të sigurisë në botë për këtë vit.

Raporti thekson faktin se mbi 50 shtete e kanë njohur pavarësinë e Kosovës, ku përfshihen dhe 22 nga 27 vendet anëtare të Bashkimit Evropian. Në vitet që vijnë, Prishtina do të varet nga ndihma e bashkësisë ndërkombëtare për zhvillimin ekonomik, si dhe për sigurimin e integritetit territorial.

“Beogradi hapur mbështet institucionet paralele të serbëve të Kosovës. Beogradi ka përdorur mjete politike dhe juridike për të sfiduar dhe zhvleftësuar sovranitetin e Prishtinës dhe për të kufizuar mandatin e EULEX-it, misioni i të cilit synon t’i ndihmojë autoritetet e Kosovës në ngritjen e policisë, drejtësisë dhe doganave shumetnike”- thuhet në raport .
”Kjo ka forcuar ndarjen de facto të Kosovës në pjesën jugore me shumicë shqiptare dhe në veriun e dominuar nga serbët. Një gjë e tillë ka frustruar ndjeshëm shqiptarët e Kosovës. Megjithatë, prania e KFOR-it do të ndihmojë në pengimin e përhapjes së dhunës në shkallë të gjerë”- vazhdon raporti.

Sa i përket Serbisë, raporti i Drejtorit të Inteligjencës Amerikane, Dennis Blair, para Kongresit thekson se me gjithë faktin se udhëheqësit serbë përkrahin një të ardhme evropiane dhe presidenti Tadic dëshiron përparimin e shpejtë drejt anëtarësimit në Bashkimin Evropian, sërish Beogradi nuk është i vullnetshëm për të hequr dorë nga synimet ndaj Kosovës.

Beogradi vazhdon të shikojë nga Moska për ndihmë diplomatike lidhur me Kosovën dhe në këtë drejtim ishte dhe marrëveshja e përmbyllur së fundi me Rusinë në sektorin e energjisë.

Një tjetër problem që vjen nga Ballkani për sigurinë evropiane, sipas burimeve amerikane të zbulimit, është dhe Bosnja. E ardhmja e Bosnjës si shtet shumetnik është në pikëpyetje, ndonëse as ndonjë dhunë në shkallë të gjerë, as ndonjë ndarje nuk duken të mundshme në afat të shkurtër.

Agjendat etnike ende mbizotërojnë procesin politik. Mosmarrëveshjet në mesin e tre grupeve kryesore etnike, gjatë 18 muajve të fundit, kanë penguar procesin e ndërtimit të një qeverie qendrore që do ta çonte vendin drejt NATO-s dhe BE-së.

Kërcënimet për shkëputje nga krerët e serbëve të Bosnjës dhe thirrjet për eliminimin e entitetit të serbëve të Bosnjës nga disa udhëheqës boshnjakë, kanë rritur tensionet ndëretnike ndoshta në nivelin më të lartë në vite, përfundon raporti i drejtorit të Inteligjencës Amerikane, Dennis Blair, para Kongresit.

Balkanweb

Athin?, kapet pedofili grek, abuzoi me vajz?n shqiptare

Fri, 13 Feb 2009 14:41:00 +0000

Një fëmije shqiptar ka rënë pre e pedofilisë në shtetin grek. Bëhet fjale për një nëntë vjecare e cila është abuzuar seksualisht nga një 57 vjeçar me emrin Jorgos Jordhami. Ngjarja e rende ndodhi në kryqytetin e vendit, Athinë në lagjen Markopulos, ndërsa 57 vjeçari ishte i martuar me nje grua shqiptare. 9 vjeçarja e abuzuar seksualisht ishte mbesa e gruas së Jorgos Jordhamit, personi i cili u akuzua dhe që tashme ndodhet nën arrest. Ky është rasti i tretë i pedofilisë që trondit opinionin publik grek ndërsa ngjarja u denoncua nga prindërit shqiptarë të vogëlushes

Balkanweb

Kosova, shqiptar?t peticion Konf. Islamike

Fri, 13 Feb 2009 14:40:00 +0000

Një peticion me 50 mijë nënshkrime të qytetarëve të Shqipërisë do t'i dërgohet të djelën Organizatës së Konferencës Islamike. Peticioni kërkon nga vendet anëtare të kësaj oragnizate të njohin pavarësinë e Kosovës.

"Për ne si myslimanë ka qenë befasi që bota arabe nuk e ka njohur shtetin e Kosovës. Ne menduam t'i apelojmë vendeve që dhanë ndihma humanitare për Kosovën në vitin 1999", tha për agjencinë e lajmeve Reuters Agim Baçi, një nga organizatorët e peticionit.

Baçi shtoi se peticioni është nënshkruar nga qytetarët e të treja besimeve fetare që ekzistojnë në Shqipëri.

Balkanweb

Shembet galeria, vdes minatori

Fri, 13 Feb 2009 14:37:00 +0000

Bulqize- Shifrat alarmante te viktimave ne minieren e Bulqizes, nuk i kane trembur aspak minatoret qe te nderpresin kerkimet e tyre, ne galerite e nendheshme dhe te rrezikshme. Jane dashur vetem dhjete dite kohe, qe ne kete zone minerale te shenohet viktima e 17-te. Behar Toci 30-vjec, ka nderruar jete dje ne ora 11:32 minuta, ndersa masivi i kromit e zuri nen vete. Ai eshte viktima e trete brenda 44 diteve te para te vitit 2009. Vdekja e Behar Tocit, pason vdekjen me 25 janar, te minatorit Arjan Duva dhe me 2 shkurt te minatorit tjeter Enver Karaj.

Ngjarja ka ndodhur ne thellesite e minieres, ne sektorin "D", kur minatori Behar Toci, se bashku me shume minatore te tjere te zones, po punonte per nxjerrjen e mineralit te kromit, per llogari te nje firme private qe operon ne tregun e nxjerrjes dhe per punimit ne Bulqize. Burime nga miniera, konfirmojne se 30-vjecari ka qene se bashku me disa te tjere, te cilet nuk ishin minatore te specializuar, por thjesht jane punesuar nga firma per te germuar ne galeri. Diku rreth ores 11:30 te dites se djeshme, nje masiv guresh kromi ka rene nga tavani, duke zene poshte te riun Toci, i cili ndodhej vetem pak metra larg shokeve te tij. Te gjithe minatoret e tjere jane munduar per t'i ardhur ne ndihme, por kjo ka qene e pa mundur. Ne pak minuta, ne galeri kane hyre forca te shumta policore, te cilat kane nxjerre pas kerkimeve trupin e pa jete te 30-vjecarit, jashte galerise.

Mjeket konstatuan se vdekja e te riut kishte qene e menjehershme, si pasoje e plageve te marra dhe me pas asfiksise se shkaktuar nga masivi i kromit. Trupi i Behar Tocit eshte transportuar ne morgun e qytetit, pasi ka qene e kote ndihma mjekesore, sepse minatori kishte nderruar jete, ende pa dale nga galeria.

Burime zyrtare te policise qe konfirmuan incidentin e ndodhur ne galerite e Bulqizes, bene me dije se eshte ngritur nje grup hetimor, per te zbardhur shkaqet e ngjarjes se rende. "Ekspertet po punojne per zbardhjen e incidentit dhe rrethanat, duke marre ne pyetje deshmitaret", njoftoi policia vendore. Por nga ana tjeter, ne 17 vdekjet e minatoreve gjate dy viteve te fundit, nuk eshte marre asnje mase, madje firma te kromit vijojne te mbajne te hapura portat e galerive, ne kushte mjaft te renda, per sa i perket sigurise per jeten.

Megjithese Ministria e Ekonomise ka pezulluar disa firma, qe nuk plotesonin kushtet dhe ka bllokuar nje pjese te galerive, serish ky urdher eshte thyer duke u pasuar me tragjedi te tjera.

Koha Jone

Ksera kryqezon 629 zyrtare

Fri, 13 Feb 2009 14:36:00 +0000

Gjirokaster - Abuzimet me fondet e buxhetit te shtetit kane perfshire 629 zyrtare ne Qarkun e Gjirokastres. Prefekti Spiro Ksera, ka publikuar dje shkeljet financiare te administrates publike, bashkive dhe komunave per vitin 2008. Gjate analizes se punes 1-vjecare, kreu i prefektures deklaroi kontrollet e realizuara nga sektori i Auditit te Brendshem, ne njesite e qeverisjes vendore ne rrethet e Permetit, Tepelenes dhe Gjirokastres.

Sipas Kseres, per vitin 2008, jane kryer 18 auditime te plota ne bashki dhe komuna. Specialistet kane konstatuar 220 raste te shkeljeve te disiplines finaciare. Ne to jane perfshire 629 persona, me vlere rreth 23,6 milione leke. "Mes ketyre shkeljeve, me dem ekonomik jane 188 raste, per 490 persona, me vlere 10,4 milione leke, pa dem ekonomik jane 12 raste, per vleren rreth 4,5 milione leke, ndersa shkelje te procedurave ligjore pa dem ekonomik jane evidentuar 20 raste per vleren rreth 8,7 milione leke", tha Ksera per gazeten "KJ".

Shkeljet jane konstatuar ne fushen e pagave dhe shperblimeve, ne evazionin fiskal, ne udhetime dhe dieta, ne prokurimet publike etj. Sipas prefektit Ksera, nje pjese e madhe e ketyre shkeljeve lidhet me nivelin joprofesional te punonjesve te administratave te komunave, kjo me e theksuar ne njesite e qeverisjes vendore, ne zonat malore te qarkut.

"Per shkeljet e konstatuara nga ana e sektorit te Auditimit te Brendshem, u eshte kerkuar subjekteve te audituara, te marrin ndaj personave pergjegjes masa administrative dhe displinore", ka pohuar Ksera ne analizen vjetore te Prefektures se Gjirokastres. Per keto shkelje eshte parashikuar denim me gjobe ne 9 raste, per 15 persona, ne shumen e 320 mije leke. Sipas prefektit te Gjirokastres, per sa i perket dinamikes se keqadministrimit me dem ekonomik, brenda periudhes audituese 2006, 2007 dhe pjeserisht 2008, rezulton se abuzimi vjen ne ulje.

Per vitin 2006 jane konstatuar shkelje te disiplines financiare me dem ekonomik ne vleren e rreth 7,8 milione lekeve, ne 2007 demi ekonomik i shkaktuar llogaritet ne vleren e 2,4 milione, leke nderkohe qe per vitin 2008 jane konstatuar shkelje te disiplines financiare ne bashki dhe komuna, me dem ekonomik ne vleren e 66 mije lekeve. Keto shifra i ka lexuar vete prefekti i Gjirokastres, Spiro Ksera, ne analizen e punes se ketij institucioni per vitin 2008, duke u terhequr vemendjen vartesve, qe te tregohen me te kujdesshem me shpenzimet.

Cdo zyrtar, 35 mije leke abuzim

Specialistet e Auditit te Brendshem ne Prefekturen e Gjirokastres vune ne dukje se shifra prej 23,6 milione lekesh nuk konsiderohet e gjitha dem ekonomik ne vlere monetare, por i perket edhe sherbimeve te tjera te kryera nga administrata. Gjithsesi sipas llogaritjeve te bera, secili zyrtar pergjate vitit 2008 ka abuzuar me nje shifer te perafert qe shkon deri ne 35 mije leke, ne dieta, gabime, e shpenzime operative.

Te dhenat

18 auditime te kryera

220 raste shkeljesh

629 persona te perfshire

23,6 milione leke dem

188 raste, per 490 persona, me vlere 10,4 milione leke, me dem ekonomik

12 raste, per vleren rreth 4,5 milione leke, pa dem ekonomik

20 raste, per vleren rreth 8,7 milione leke, shkelje procedurash

320 Mije Leke eshte gjoba e vendosur per 9 raste ndaj 15 zyrtareve vendore, per shkeljet e renda te konstatuara gjate kontrollit te Auditit te Brendshem te Prefektures se Gjirokastres. Jane marre dhe masa disiplinore.

2 Vitet E fundit jane konstatuar 10,2 milione leke, dem ekonomik nga kontrolli i kryer. Per vitin 2006 jane konstatuar deme ekonomike ne vleren e rreth 7,8 milione lekeve, kurse ne 2007, demi ekonomik shkon ne 2,4 milione leke.

Koha Jone

PD dhe PAD, bashke ne zgjedhje

Fri, 13 Feb 2009 14:35:00 +0000

Partia Aleanca Demokratike do te jete pjese e koalicionit parazgjedhor, te drejtuar nga Partia Demokratike. Ky eshte vendimi qe eshte marre gjate takimit te djeshem mes kryeministrit Berisha, njekohesisht kryetar i PD-se dhe Neritan Cekes, presidentit te PAD-se. Bashkepunim qe realizohet pas 17 vitesh perplasjeje dhe konflikti. Zyrtarizimi i ketij koalicioni te pare parazgjedhor, per PD-ne pritet te behet ne forumet e larta te ketyre partive, te cilat do te mblidhen ne ditet ne vazhdim. Bashkimi i ketyre dy partive ne nje koalicion ishte i paralajmeruar, duke u nisur fillimisht nga fakti se PAD-ja e Neritan Cekes, nuk e konsideronte veten te afert me asnje nga partite kryesore te opozites, perjashtuar Levizjen Socialiste per Integrim drejt se ciles jo pak here, kishte hedhur sinjale afrimi. Nderkohe qe ka perjashtuar kategorikisht mundesine e nje koalicioni me socialistet e Rames. Gjithsesi, PAD eshte partia e dyte, pas PR, qe konfirmohet zyrtarisht aleate parazgjedhore me PD-ne. Ne nje interviste per gazeten "Koha Jone", Ceka shpjegon edhe arsyet e ketij bashkimi dhe marreveshjen qe ka bere me kreun e PD-se, Berisha.

Zoti Ceka, ju patet nje takim me zotin Berisha ku vendoset per te hyre ne nje koalicion te perbashket per zgjedhjet parlamentare te 28 qershorit. Cilat jane hapat qe do te merren me pas?

Natyrisht qe ky ishte nje takim i nivelit me te larte midis meje dhe zotit Berisha, si kryetar i Partise Demokratike, ku biseduam per mundesine e hyrjes se perbashket ne zgjedhje. Natyrisht qe eshte nje vendim qe per Aleancen Demokratike ashtu si edhe per Partine Demokratike, do ta marrin forumet me larta. Keshtu qe, do te kete nje mbledhje te kryesise se PD dhe ku do te paraqiten rezultatet e bisedimeve, dhe pastaj te Asamblese se AD, qe do te mblidhet ne ditet ne vazhdim.

Ekzistoje mundesia e nje shkrirje te Partise Demokratike dhe Partise Aleanca Demokratike?

Ketu nuk behet fjale fare per shkrirje, ketu behet fjale per te dale bashke ne zgjedhjet e 28 qershorit, secila ne nje koalicion, por ne nje pershtatje me Kodin Zgjedhor, secila ne frontin e vet, me kandidatet e saj. Pra, sic e perkthen dhe Kodi, nuk ka as kandidatet te perbashket, as shkrirje.

Cilat do te jene pikat e marreveshjes? Cilat jane kerkesat e Partise Aleanca Demokratike per Partine Demokratike?

Pikat e marreveshjes i percakton vete Kodi, qe nuk le shume hapesira per hollesira te tilla dhe kontrata. Sipas Kodit cdo parti eshte ne frontin e vet, do te kete taktika te perbashketa elektorale. Por Aleanca do te mbeshtese gjithcka ne punen e vet, tek elektorati i vet dhe rezultatet e saja. Partia Aleanca Demokratike me nje parti te madhe, natyrisht eshte favorizuese per Aleancen.

Afrimi

Nje bashkepunim i mundshem mes Aleances Demokratike dhe Partise Demokratike u be me se i dukshem, kur grupi parlamentar i PD-se propozoi Ceken si njeriun, i cili zevendesoi nenkryetarin e Kuvendit, demokratin Fatos Beja.

Koha Jone

"Islanda ratifikoi NATO-n, gati dhe 3 vende te tjera"

Fri, 13 Feb 2009 14:30:00 +0000

Ministri i Puneve te Jashtme, Lulezim Basha ishte i pranishem ne Islande, kur Parlamenti i ketij vendi miratoi Protokollin e Anetaresimit te Shqiperise ne NATO. Ne kete menyre Islanda u be edhe vendi i 23-te, qe ratifikon kete dokument te rendesishem per anetaresimin e Shqiperise, nga 26 vende te cilat jane anetare te Aleances. Nga Islanda ministri i Jashtem, Lulezim Basha u shpreh entuziast per kete ratifikim dhe per shpejtesine, me te cilen po ecen procesi i ratifikimit te Protokollit per Anetaresimin e Shqiperise ne Aleance. Sipas tij, pritet qe javen e ardhshme edhe parlamentet e vendeve qe kane mbetur, do ta ratifikonin me shpejtesi Protokollin e Anetaresimit te Shqiperise ne NATO. "Ratifikimi nga ana e ketij Parlamenti, na ka dhene driten jeshile per anetaresimin e plote te Shqiperise ne NATO, duke lene vetem tri vende, te cilat na kane premtuar qe javen e ardhme do te miratojne ne parlamentet e tyre kete protokoll", deklaroi ministri i Jashtem, Basha qe nga Islanda, duke e quajtur kete, nje lajm te mire per te gjithe shqiptaret. Sipas shefit te diplomacise shqiptare, shpejtesia me te cilen po perfundon ky proces, per Shqiperine eshte unikal dhe nuk ka ndodhur here te tjera me pare. Ministri Basha deklaroi se vete ministri i Jashtem islandez, Skarfedinson e kishte informuar se do t'i kerkonte Parlamentit te Islandes, ta miratonte me procedure te pershpejtuar kete protokoll, gje e cila kishte ndodhur vetem pak ore me pas, ku pa asnje vote kunder, ky protokoll ishte miratuar. Gjate vizites se tij ne Islande, ministri i Jashtem, Basha pati nje takim miqesor me homologun e tij islandez, Osur Skarfedinson ku u diskua gjeresisht, rreth marredhenieve dypaleshe dhe mundesive te bashkepunimit te te dy vendeve, ne fusha me interes te perbashket si energjia, turizmi dhe teknologjia. Me pas ministri Basha, pati takime zyrtare me kryetarin e Parlamentit islandez, Gudbjartur Haneson dhe kryetarin e Komitetit te Politikes se Jashtme, Arni Thor Sigurdson, si dhe me liderin e opozites islandeze, ish-kryeministrin Geir Harde.

3 Vende Kane mbetur pa firmosur dhe qe pritet te ratifikojne se shpejti ne parlamentet e tyre Protokollin e Anetaresimit te Shqiperise ne NATO. Keshtu per te permbyllur procesin, priten ratifikimet nga Greqia, Holanda dhe Luksemburgu.

Koha Jone

OSSH: 7 mln euro p?r n?nstacionit e Kasharit

Fri, 06 Feb 2009 14:59:00 +0000

7 milion euro po investohen nga Operatori i Sistemit të Shpërndarjes për rikonstruksionin e nënstacionit të Kasharit, prej të cilit furnizohet aktualisht me energji zona industriale në autostradën Tiranë-Durrës. Ekspertët e OSSH-së shpjegojnë se pas montimit të impiantit të ri 20 kilovolt dhe paisjeve të tjera fuqizuese nga ky nënstacion do të furnizohen normalisht me energji elektrike edhe zona e Kamzës dhe Unaza e Re e kryeqytetit.
Paralelisht me nënstacion e Kasharit, Operatori i Sistemit të Shpërndarjes po punon edhe për fuqizimin e nënstacionit të Selitës, rikonstruksioni i plotë i të cilit do të përmirësojnë cilësinë e furnizimit me energji disa të disa zonave në kryeqytet si Tirana e Re, ish Blloku, Komuna e Parisit, Selita dhe Sauku.

Balkanweb

Kanada, d?nohen shkaktar?t e tragjedis? shqiptare

Fri, 06 Feb 2009 14:58:00 +0000

Drejtësia kanadeze dënon me 4 vjet burg trafikantët e familjes shqiptare aventura e të cilës përfundoi tragjikisht me 2 shtator të vitit 2005.
23 vjecari Shkëlqim Harizi dhe nëna e tij zgjodhën një mënyrë të paligjshme për të udhëtuar nga SHBA drejt Kandasë përmes lumit Detroit.
Ata u shoqëruan nga trafikantët e qenieve njerëzore por barka në të cilën u nisën drejt Kanadasë u përmbys duke hedhur të dy shqiptarët në lumë. Harizi nuk arriti të shpëtonte pas rënies në ujë, ndërsa nëna e tij arriti të dilte në breg. Policia e Torontos e gjeti trupin e djaloshit pak ditë më vonë të nxjerrë nga uji në breg, me rreth 10 mijë dollarë në xhepat e pantallonave te tij.

Pas gati 3 vitesh nga dita e tragjedisë, dje është bërë gjyqi për trafikantet e familjes shqiptare. Maitham Alzehrani 37 vjec me origjinë nga Iraku banues në Uindsor Ontario u dënua me 4 vjet e gjysëm burg. Ndërkohë, trafikanti tjetër mësohet se ishte shqiptar, i quajtur Fran Gashaj 42 vjec nga Uindsor, i cili rezultoi se nuk kishte patur rol në incidentin në fjalë, por kishte bashkëpunuar me Alzehranin për trafiqe të tjera.

Gashaj u akuzua për trafikimin e tetë kinezeve nga SHBA në Kanada. Ai u dënua me katër vite burg por i është dhënë urdhër që të deportohet në vendin e tij në Shqipëri. Ai ka qënë i denuar edhe me parë për trafikim të qenieve njerëzore në Teksas.

Balkanweb

Shkolla "Partizani",pajiset me laborator? virtual?

Fri, 06 Feb 2009 13:55:00 +0000

Nxënësit e shkollave të kryeqytetit po kapërcejnë metodat tradicionale të zhvillimit të orëve mësimore. Tashmë që të gjitha këto institucione edukimi janë pajisur me laboratorë virtualë, shkollat kanë adaptuar programet sipas teknologjisë më të avancuar të të nxënësit. Gjimnazi Partizani në kryeqytet, kanë zhvilluar disa orë të lira mësimore, ku paterialet e shfaqura me vieoprojektor janë përgatitur nga vetë nxënësit. Arsimtarët e vlerësojnë këtë metodë të zhvillimit të mësimit shumë frytdhënëse, pasi përfshin në process edhe nxënësit jo aktivë. Disa shkolla në kryeqytet me inisiativa individuale kanë aplikuar edhe më parë orë mësimore interactive. Por tashmë që çdo shkollë e vendit do të pajiset me një laborator virtual, të gjithë nxënësit e arsimit parauniversitar, do të kenë mundësi të lënë pas orët me shpjegimet tradicoonale të mësuesit, por do të jenë ata vetë që do ta drejtojnë orën. Laboratory virtual, përfshin një set pajisjesh, mes të cilave një lap-top, një videoprojektor, dhe një CD me module demostruese për disa fusha mësimdhënieje.

Ora News

P?rballja me Malt?n, Ari Han grumbullon ekipin

Fri, 06 Feb 2009 13:55:00 +0000

Trajneri i kombëtares shqiptare, Ari Han grumbullon 19 futbollistë për ndeshjen e 11 shkurtit ndaj Maltës, e vlefshme për eliminatorët e Botërorit 2010. Han ka vendosur që këtë radhë të grumbullojë sulmuesit Erjon Bogdani, Sukaj, Hamdi Salihi dhe Berisha. Po ashtu në listë janë edhe Ujkani, Beqaj, Hidi, Bakaj, Bulku, Lika, Skela, Beqiri, Duro, Lila, Dallku, Curri, Agolli, Vangjeli dhe Vrapi. Jashtë listës kanë mbetur emra të rëndësishëm, si Cana, i cili aktualisht është i dëmtuar, apo Nevil Dede, për të cilin vetë Han kishte treguar interes ditët e fundit. Takimi i 11 shkurtit ndaj Maltës do të zhvillohet në La Valeta. Shqipëria bën pjesë në grupin e parë dhe shpresat për fitore ndaj maltezëve janë të mëdha.

Ora News

Plehrat mbulojn? kalan? e Tiran?s

Fri, 06 Feb 2009 13:54:00 +0000

U zbulua në një mënyrë vërtetë të çuditshme një nga pjesët më të rëndësishme të historisë së Tiranës. Kalaja e saj, duket se nuk i kishte nxjerrë ende themelet e saj derisa u zbuluan ato. Në rrugën "Margarita Tutulani" përballë kalasë së vjetër jo shumë kohë më parë punonjësit e rrugës zbuluan themele të reja, të cilat i përkasin kalasë së vjetër të Tiranës.U deklarua se menjëherë se zona do të rrethohej dhe do të realizohej nje studim dhe gërmim më imtësishëm arkeologjik. Natyrisht u bë një bujë e madhe mediatike për këtë zbulim të rastësishëm nga personat përgjejës por.....Duket se gjithccka kaloi në heshtje. Dhe pse u tha se do të vendosej që rruga të ishtë vetëm për këmbësorët, një gjë e tillë nuk u bë. Do të vazhdonin gërmimet dhe zona do të shpallej e një rëndësie e vëccantë dhe do të mbrohej dhe rikonstruktohej, por as kjo nuk u bë.Në ditët e sotme themelet e zbuluara të kalasë së Tiranës ndodhen në një gjendje që ndoshta nuk e meritojnë. Janë plehrat që mbizotërojnë aty dhe tabëlat e ndryshkura që nga koha e zbulimit të cilat shkruajvë, "Zonë Arkeologjike". E nëse kurrë më parë nuk keni parë një zonë arkeologjike në mes të një metropolit të mbushur me plera, Tirana ua mundëson një të këtillë, madje vetë kalanë e saj historike.

Ora News

Shkupi tradhton Kosov?n n? Beograd

Fri, 06 Feb 2009 13:53:00 +0000

Shqipëria ka qenë vendi i vetëm i rajonit që ka kundërshtuar miratimin e një deklarate të përbashkët të vendeve të rajonit për integrimet evropiane ku ishte anashkaluar Kosova si shtet, ndërsa delegacioni nga Shkupi i ka dhënë dritë jeshile projektit serb Zëvendëskryeministri për eurointegrime, Ivica Bocevski i ka dhënë mbështetje deklaratës së propozuar serbe për proceset eurointegruese të rajonit, ku Kosova ishte përjashtuar totalisht si shtet rajonal. Ky skandal ka ndodhur në kuadër të takimit rajonal të vendeve të Evropës Juglindore në Beograd. Zyrtarët Maqedonas nuk kanë komentuar këtë veprim që bie ndesh me vendimin shtetëror për njohjen e shtetësisë së Kosovës. Në komunikatën zyrtare të kabinetit Bocevski theksohet se në takimin rajonal të vendeve të Evropës Juglindore kushtuar ardhmërisë evropiane është diskutuar integrimi i përgjithshëm i rajonit në BE, por nuk jepen sqarime për shkeljen e bërë ndaj Kosovës.

Ora News

Shtypet nga betonierja, vdes 40-vje?ari

Fri, 06 Feb 2009 13:52:00 +0000

Një betoniere ka aksidentuar një burrë i cili po udhëtonte me motoçiklete nga Kamza në drejtim të Tiranës . Aksidenti i rëndë ka ndodhur në afërsi të ktheses së Kamzës në zonën e Treshit. Viktima me iniciale V.L i cili ishte rreth moshesh 60-vjeç po dilte nga një rrugë dytësore në rrugen kryesore që lidhe Kamzën me Tiranën është goditur nga një betoniere e cila i ka shkaktuar vdekjen e mënjehershme. Ky është aksidenti i dytë që ndodh brënda javës në këtë zonë,e cila njihet si një zonë mjaft problematike ,ku ndodhin shumë aksidente gjatë vitit. Një javë më parë një 20- vjeçarë humbi jetën po në këtë vend ndërsa po kalonte shinat e trenit. Po në të njëtin vend ka humbur jetën edhe 60 vjeçari me inicilaet V.L icili ndërsa po dilte me motoçikletën e tij në rrugë ka përfunduar nën rrotat e betonieres. Viktima ka humbur jetën në mënyre të menjehërshme për shkak të dëmtimeve shumë të medha që ka marrë kryesisht në koke. Menjëherë kanë mbërritur forcat e policisë, të cilat kanë shoqëruar drejtuesin e automjetit në polici ku është marrë në pyetje në lidhje më ngjarjen e ndodhur. Ndërsa viktima është dërguar për në morgun e Tiranës. Policia ndërkohë është duke vazhduar hetimet për të zbardhur shkaqet e këtij aksidenti tragjik.

Ora News

Burgu Guantanamo n? prag t? mbylljes

Fri, 06 Feb 2009 13:45:00 +0000

Presidenti Obama takohet të premten në Shtëpinë e Bardhë me familjet e viktimave të sulmeve të 11 Shtatorit dhe atyre të luftanijes USS Cole.

Takimi pason njoftimet për pushimin e ndjekjes penale ndaj personit që mendohej se ishte ideatori i sulmit kundër anijes luftarake amerikane USS Cole në vitin 2000. Disa nga familjet e viktimave që takohen me presidentin i kanë kundërshtuar planet e tij për mbylljen e burgut në Guanatanamo Bay dhe ndalimin e gjyqeve ushtarake.

Korrespondenti i BBC-së në Uashington, Jonathan Beale njofton se Abdal Rahim al Nashiri, personi që akuzohej për sulmin mbi anijen USS Cole, pritej të dilte në gjyq të hënën. Pas një ndërhyrjeje të administratës së zotit Obama, akuzat ndaj tij janë rrëzuar. Megjithatë zoti al Nashiri nuk do të lirohet dhe ndaj tij mund të ngihet padi me akuza të tjera në një kohë të mëvonshme.

Ish-zëvendëspresidenti amerikan, Dick Cheney e ka kritikuar vendimin e zotit Obama për ndalimin e gjyqeve dhe premtimin e tij për mbylljen e burgut në Guantanamo Bay.

Familjet e viktimave të sulmit mbi luftanijen USS Cole dhe mbi Kullat Binjake në New York pritet t'i kërkojnë presidentit Obama garanci për çuarjen në vend të drejtësisë.

BBC